Us raat zindagi se mulaqat ho gayi
Thodi hi sahi par baat ho gayi
Poocha jo maine kyon tanhai ko sang lati ho
Kyon dil ke tukde kar ke, fir hasna sikhati ho
Keh baithi wo mujhse kar lo kuch bhi tum chahe…saath main dungi….
Tanhaiyo Ki Mehfil Saja Lo.... Saath Main Dungi
Rishto Ki Dor Bana Lo... Bandh Main Dungi
Yaaro Ki Kami Na Kal Thi Na Aaj Hai
Tum Pukar Lo, Sada Saath Main Dungi
Un Kali Andheri Raato Me Jab Tanha Jaagte Ho
Keh Do, Bankar Shama Roshni Tumhe Main Dungi
Ab Bhi Na Behle Jo Ji Tumhara
Bula Lo, Tumhari Jagah Ro Main Dungi
Kahi Isi Kash-M-Kash Me Beet Na Jaaye Umr Saari
Baat Tumhari Dil Ki, Tumhe Bata Main Dungi
Dekho Wo Mali Phulo Se Kar Raha Baat Hai...
Unki Surbhi Chura Kar Tumhe La Main Dungi
Na Dikhe Jo Kinara Koi Saagar Ke Bich
Ubharungi Tumhe, Saahil Ka Sahara Main Dungi
Lehrana Chaho Jo Us Samandar Ki Maujo Ki Tarah
Utho Tumhe Baharo Ka Kinara Main Dungi
Ud Na Chaho Jo Un Patango Ki Tarah Tum Bhi
Jao, Khula Aasmaan Tumhara Tumhe Main Dungi
Na Ruko, Na Thako Tum, Kabhi Baitho Na Haarkar
Jeet Tumhari Hai, Duaye Tumhe Main Dungi
Mudkar Piche Jo Dekhoge Kabhi Us Raah Se
Kadmo Ko Aage Ki Taraf Badhava Main Dungi
…………………………..Badhava Main Dungi......
