Pal bhar ke rishte the ya
The kache dhago ke naate
Chatki ki tut gayi har gaanth
Kya shishe ke the sab wade
Jivan ki rasmayta thi ya
Tha ek achook vaan
Khwabo ke mehlo sa dheh gaya
Kya ret ke bane the ve ghar
Guftgu thi hawao ki
Ya khamoshi thi un nigaho ki
Kaampne laga har sapna
Kya tha wah sapne se bhi jhootha sach
Wah sabkuch kya ek galatfahmi thi
Ya ho gaya meri nazro ko dhoka tha
Dekhte hi dekhte bah gaya sabkuch
Kya itni kachi buniyaad thi?
No comments:
Post a Comment