Ye tumhara pyar hai!!!

Lavzo ki tarah kahaniyo me padha hai...
alfaaz ki tarah geeto me suna hai...
jo kabhi na gungunayi gayi ho.....
usi unsuni ek ghazal me suna hai..

ek anjaane ehsaas me paaya hai...
ek ajnabhi saaz me paaya hai...
jo kabhi na dekhi gayi ho kahi
usi naujawaan nazaaro me paaya hai...

ek aahaat me mehsus kiya hai
ek aaghaaz me samjha hai...
ek nayi si duniya ho jaise..
har naye andaaz me dekha hai...

tum se judi baate nahi hai...
ye sab to mehez ek ehsaas hai...
jo tumhari maujudgi ne samjhaya
un sabhi baato ka saar hai ye....

ye lamhe hai pyar ke...
jo tumhare khayalo me bitaaye hai...
ye pal hai tassavur ke...
jinpar kavitaaye likhi hai...

ye ehsaas hai tumhare pyar ka...
jo nikhar aayi hai kavita...
ye asar hai tumhare pyaar ka..
jo nikhar aayi hun main...